2026-жылдын 6–10-июнь күндөрү Өзбекстан Республикасынын Самарканд шаарында Экология жана климаттын өзгөрүшү боюнча улуттук комитет тарабынан уюштурулган «Эко-Заковат» эл аралык интеллектуалдык мелдеши болуп өттү. Иш-чаранын негизги максаты жаштардын экологиялык билимин жогорулатуу жана эл аралык кызматташтыкты чыңдоо болду.
Аталган эл аралык иш-чарага Кыргызстан, Казакстан, Өзбекстан, Азербайжан, Түркмөнстан жана Тажикстандын студенттери катышып, экологиялык көйгөйлөр, климаттын өзгөрүшү, жашыл технологиялар жана айлана-чөйрөнү коргоо маселелери боюнча өз билимдерин сынашты.
Кыргыз Республикасынын намысын коргоп, К.И. Скрябин атындагы Кыргыз улуттук агрардык университетинин Гидромелиорация, экология жана жерге жайгаштыруу факультетинин «Экология жана айлана-чөйрөнү коргоо» кафедрасынын курама командасы катышты.
Катуу атаандаштыкка карабастан, биздин студенттер жогорку деңгээлдеги даярдыгын көрсөтүп, жалпы командалык эсепте III орунду ээлеп, коло байгенин ээси болушту. Жеңүүчүлөр диплом, кубок жана баалуу сыйлыктар менен сыйланышты.
Команданын жетекчиси — биология илимдеринин кандидаты, доценттин милдетин аткаруучу, «Экология жана айлана-чөйрөнү коргоо» кафедрасынын башчысы Тункатарова Э.И. жана команда мүчөлөрү Бейшенбекова А.С., Жуманкулова С.Н., Мамасабыров И.А., Нурадинов Р.Т., Турдубек кызы М. жана Усманов Б.У. бул ийгилиги менен чын жүрөктөн куттуктайбыз!
Аларга мындан аркы окуу жана илимий ишмердүүлүгүндө дагы чоң ийгиликтерди, жаңы жеңиштерди жана бийик максаттарды багындырууну каалайбыз.
