К.И. Скрябин атындагы Кыргыз улуттук агрардык университети менен Түркия Республикасынын Байбурт университетинин ортосунда өз ара кызматташуу жөнүндө келишимге кол коюлду. Келишимдин негизги максаты – эки жогорку окуу жайдын ортосунда билим берүү, илим изилдөө жана академиялык байланыштарды өнүктүрүү болуп саналат. Анын алкагында окутуучуларды, изилдөөчүлөрдү жана студенттерди алмашуу, биргелешкен илимий долбоорлорду ишке ашыруу, эл аралык конференцияларды, семинарларды жана башка илимий-маданий иш-чараларды уюштуруу каралган. Мындан тышкары, тараптар илимий басылмалар жана электрондук ресурстар менен алмашып, эл аралык кызматташуу мүмкүнчүлүктөрүн кеңейтүү боюнча өз ара колдоо көрсөтүшөт. Бул келишим эки университеттин илимий-билим берүү потенциалын чыңдоого жана эл аралык академиялык өнөктөштүктү өнүктүрүүгө өбөлгө түзөт.