Давлеталиев  Джолдошбек  Абдиевич

     Өндүрүштүк практика бөлүмү университеттин түзүмдүк бөлүмү болуп саналат жана оз функциясын окуу иштери боюнча проректордун түздөн-түз жетекчилиги астында аткарат.

 КУАУнун өндүрүштүк практика жана ишке орноштуруу бөлүмү 2016-жылдын 1-январынан баштап айыл чарба тармагындагы багыттар жана адистиктер боюнча болочок бүтүрүүчүлөрдү даярдоодо сапатты жогорулатуу максатында уюштурулган.Өндүрүштүк практика бөлүмү өз ишинде Кыргыз Республикасынын “Билим берүү жөнүндө” Мыйзамын, “Жогорку окуу жайдан кийинки кесиптик билим берүү жөнүндө” республикалык Мыйзамын, Кыргыз Республикасынын Билим берүү жана илим министрлигинин “Жогорку кесиптик билим берүү мекемелеринин студенттеринин практикасын өткөрүү тартиби жөнүндө жобону бекитүү тууралуу” буйругун, Университеттин Уставын жана Өнүгүү стратегиясын, бөлүм жөнүндө Жобону жетекчиликке алат.Бөлүмдүн ишмердүүлүгүнүн максаты:– жогорку кесиптик билим берүүнүн колдонуудагы мамлекеттик билим берүү стандарттарынын (ЖКББ МБС)талаптарына ылайык университеттин студенттеринин окуу жана өндүрүштүк практикаларын жүзөгө ашырууга бирдиктүү мамилелерди камсыз кылуу үчүн Университеттин, Билим берүү мекемелеринин жана башка уюмдардын түзүмдүк бөлүмдөрүн координациялоо;

– бүтүрүүчүлөрдү ишке орноштуруу боюнча иш берүүчүлөр менен өз ара аракеттенүү, университеттин бүтүрүүчүлөр ассоциациясын уюштуруу, бүтүрүүчүлөрдүн багыттар жана адистиктер боюнча ишке орношуусун жыл сайын талдоо жана көзөмөлдөө.

 Болумдун ишмердуулугу адистердин илимий изилдоонун ыкмасынын негизинде уйронгон билиминин жана жондомдуулугунун аркасында, берилген тапшырманы туура аткаруусу учун багытталган.

1. Жалпы жоболор:

1.1. Бул Кыргыз Республикасынын Билим берүү жана илим министрлигинин К.и. Скрябин атындагы Кыргыз улуттук агрардык университетинин өндүрүштүк практика бөлүмү жөнүндө жобо. Кыргыз Республикасынын Билим берүү жана илим министрлигинин К.и. Скрябин атындагы Кыргыз улуттук агрардык университетинин өндүрүштүк практика бөлүмүнүн функцияларын, укуктарын жана жоопкерчилигин аныктайт.

1.2. Бөлүм университеттин ректорунун буйругу менен бекитилген Университеттин Окумуштуулар кеңешинин чечиминин негизинде түзүлөт, кайра уюштурулат жана жоюлат.

1.3. Өндүрүштүк практика бөлүмү түздөн-түз окуу боюнча проректорго баш ийген окуу бөлүмүнүн курамындагы университеттин түзүмдүк бөлүмү болуп саналат.

1.4. Өндүрүштүк практика бөлүмү өз ишмердүүлүгүндө “билим берүү жөнүндө” КР Мыйзамын, “жогорку окуу жайдан кийинки кесиптик билим берүү жөнүндө” республикалык Мыйзамды, Кыргыз Республикасынын Билим берүү жана илим министрлигинин “жогорку кесиптик билим берүүнүн билим берүү мекемелеринин студенттеринин практикасын өткөрүү тартиби жөнүндө жобону бекитүү тууралуу” буйругун, Окуужайдын Уставын, башка ченемдик-укуктук актыларды, ушул Жобону, өндүрүштүк практика бөлүмүнүн ишинин шарттарына жана өзгөчөлүктөрүнө жараша университеттин башка локалдык актыларын жетекчиликке алат.

2. Бөлүмдүн максаттары жана милдеттери

2.1. Бөлүмдүн ишмердүүлүгүнүн максаты жогорку кесиптик билим берүүнүн колдонуудагы мамлекеттик билим берүү стандарттарынын (ЖКББ МБС) талаптарына ылайык университеттин студенттеринин окуу жана өндүрүштүк практикаларын ишке ашырууда бирдиктүү мамилелерди камсыз кылуу үчүн Университеттин, Билим берүү мекемелеринин жана башка уюмдардын түзүмдүк бөлүмдөрүн координациялоо болуп саналат.

2.2. Бөлүмдүн негизги милдеттери болуп төмөнкүлөр эсептелет:

2.2.1.Окуужайда үзгүлтүксүз окутууну жана студенттердин өндүрүштүк практикасын уюштуруу жана жетектөө.

2.2.2.Окуу-өндүрүштүк практиканы өткөрүү боюнча жылдык отчетторду түзүү жана жалпылоо боюнча ишти координациялоо.

2.2.3.Факультеттин/кафедранын өзгөчөлүктөрүн эске алуу менен студенттердин окуу жана өндүрүштүк практикаларын ишке ашыруу шарттарын камсыз кылуу.

2.2.4.Окуужайда үзгүлтүксүз окуу жана өндүрүштүк практиканы уюштурууга мониторинг жүргүзүү.

2.2.5. Республиканын алдыңкы ЖОЖдорунун, башка чет өлкөлүк ЖОЖдордун практикаларды уюштуруу жана өткөрүү боюнча факультеттеринин тажрыйбасын изилдөө, жалпылоо жана пайдалануу.

2.2.6. Студенттердин практикасын ишке ашыруу маселелери боюнча окуу жайдын түзүмдүк бөлүмдөрү, билим берүү мекемелери жана уюмдары менен өз ара аракеттенүүнү жана байланыштарды өнүктүрүү.

2.2.7. Бүтүрүүчүлөрдү ишке орноштуруу боюнча иш берүүчүлөр менен өз ара аракеттенүү, университеттин бүтүрүүчүлөр ассоциациясын уюштуруу, бүтүрүүчүлөрдүн багыттар жана адистиктер боюнча ишке орношуусун жыл сайын талдоо ж. б.

2.3. Бөлүмдүн ишмердүүлүгүнүн түрлөрү:

• уюштуруу-башкаруу;
• координациялык-көзөмөлдөөчү;
• методикалык;
• маалыматтык-консультациялык;
• уюштуруу-киргизүү.

3. Бөлүмдүн укуктары жана милдеттери

3.1. Бөлүм укуктуу:

3.1.1. Түзүмдүк бөлүмдөрдөн бөлүмдүн ишин жүргүзүү үчүн зарыл болгон маалыматтарды, маалымдама жана башка материалдарды сурап алуу.

3.1.2.Бөлүмдүн компетенциясына кирген маселелер боюнча мекемелерде жана уюмдарда белгиленген тартипте Окуужайды таанутуу.

3.1.3.Практиканы уюштуруу жана өткөрүү маселелери боюнча окуужайдын башка түзүмдүк бөлүмдөрү, башка билим берүү мекемелери жана уюмдары менен өз ара аракеттенүүнү жүзөгө ашыруу.

3.1.4.Практикаларды өткөрүү маселелери боюнча факультеттердин ОУК жыйындарына катышуу.

3.1.3.Өз компетенциясынын чегинде документтерге кол коюу.

3.2. Бөлүм төмөнкүлөргө милдеттүү:

3.2.1.Окужайдын ченемдик-укуктук актыларында белгиленген талаптарды сактоо.

3.2.2.Студенттердин практикасын уюштурууну камсыз кылуу.

3.2.3.ЖКББ МБСнын колдонуудагы талаптарына ылайык практиканын бардык түрлөрү боюнча программалардын жаңылануусуна мониторинг жүргүзүү.

3.2.4.Республиканын аймагында жана чет өлкөлөрдө мекемелерде, ишканаларда жана башка уюмдарда окужайдын студенттеринин тажрыйбаларын уюштуруунун сапатына көзөмөл жүргүзүү.

3.2.5.Бул жобо менен өндүрүштүк практика бөлүмүнө жүктөлгөн милдеттердин жана функциялардын аткарылышы үчүн толук жоопкерчиликти бөлүмдүн жетекчиси тартат.

3.2.6.Өндүрүштүк практика бөлүмүнүн башка кызматкерлеринин жоопкерчилик даражасы кызматтык нускамалар менен белгиленет.