К. И. Скрябин атындагы Кыргыз улуттук агрардык университетинин студенттери Самарканд шаарында өткөн «Эко-Заковат» эл аралык интеллектуалдык мелдешинде 3-орунду алышып байгелүү кайтышты.

2026-жылдын 6-10-июнь күндөрү Өзбекстан Республикасынын Самарканд шаарында Экология жана климаттын өзгөрүшү боюнча улуттук комитет тарабынан уюштурулган «Эко-Заковат» эл аралык интеллектуалдык мелдеши болуп өттү. Бул эл аралык деңгээлдеги иш-чарага Кыргызстан, Казакстан, Өзбекстан, Азербайжан, Түркмөнстан жана Таджикстандын студенттери катышып, экологиялык көйгөйлөр, климаттын өзгөрүшү жана жашыл технологиялар ж.б. боюнча өз билимдерин сынашты. Иш чаранын максаты биримдикте жаштардын экологиялык билим алуусу.

К. И. Скрябин атындагы Кыргыз улуттук агрардык университетинин, гидромелиорация, экология жана жерге жайгаштыруу факультетинин, «экология жана айлана-чөйрөнү коргоо» кафедрасынын курама командасы Самаркандда өткөн «Эко-Заковат» эл аралык интеллектуалдык мелдешинде 3-орунду багындырышты. Катуу атаандаштыкка карабастан, биздин студенттер өтө жогорку деңгээлде даярдыгын көрсөтүп, жалпы командалык эсепте 3-орунду (коло байге) ээлеп, диплом, кубок жана баалуу сыйлыктар менен сыйланышты.Команданын жетекчисин Тункатарова Э. И. б.и.к., доценттин милдетин аткаруучу, «экология жана айлана-чөйрөнү коргоо» кафедрасынын башчысы жана мүчөлөрүн Бейшенбекова А. С., Жуманкулова С.Н., Мамасабыров И.А., Нурадинов Р. Т., Турдубек кызы М. Усманов Б.У., ийгиликтери менен КУАУнун ректору Нурзат Эрмековна Тотубаева куттуктап, алдыда дагы бийик максаттарга жетишине тилектештигин билдирди.