2024-жылдын 31-мартында К.И.Скрябин атындагы Кыргыз улуттук агрардык университетинде Кыргыз Республикасынын Президенти С.Н.Жапаровдун “Улуттук дем – дүйнөлүк бийиктик” унгужолу жөнүндө Жарлыгы талкууланды. Иш-чарага университеттин профессор-окутуучулар жамааты, студенттер катышты.

       КУАУнун ректору, академик Р.З.Нургазиев Уңгү жолдун негизги багыттары:Таалим-тарбия, илим, билим жана маданият бөлүмүндө: Жарандардын нарк талабына ылайык таалим-тарбияга, заманбап илим-билимге, жогорку маданиятка ээ болуусу жана өнөр-кесип үйрөнүүсү үчүн үй-бүлө, коом жана мамлекет үчилтиги бирдей кам көрүүгө милдеттүү экендиги; Айлана-чөйрө бөлүмүндө: Кыргыз жарандарынын аң-сезимине адам менен жаратылыштын эриш-аркак өнүгө тургандыгы, табияттын аялуу дүйнө экендиги жөнүндөгү түшүнүктөрдү бекем орнотуу керектиги; Экономика бөлүмүндө: Экономикалык өнүгүүнүн милдеттери  айтылгандыгы; Мамлекеттик тил бөлүмүндө: Кыргыз элинин жарандык аң-сезимин калыптандырууда, өлкөнүн өнүгүшүндө, улуттук маданияттын сакталышында мамлекеттик тилдин өзгөчө орду белгилендиги; Социалдык маселелер бөлүмүндө:  Кыргыз коомунун бүтүндүгүн сактоодо социалдык мамилелердин өңүттөрү өзгөчө мааниге ээ экендиги; Дене тарбия жана спорт бөлүмүндө:   Жарандардын сергек жашоого жетишүүсүндө дене тарбия менен спорттун мааниси чоң экендиги; Дин бөлүмүндө: Дүйнөлүк диндердин кайсынынсы болобосун, кыргыз жарандарынын жүрүм-турум эрежелерин, кесипе жана эмгекке болгон мамилеси белгиленгендиги; Кыргыз жери бөлүмүндө: Кыргыз жери-көчмөндөр цивилизациясынын алтын бешиги; келечекте ааламдык илимий ачылыштар, дүйнөлүк маанидеги көркөм өнөр чыгармалары жарала турган ыйык жер; улуттук деми барган сайын арта берген нарктуу, айкөл элдин мекени экендиги: Кыргыз эли бөлүмүндө: Кыргыз эли-жеке өзүнө таандык тарыхый тагдыры бар, миңдеген жылдар бою өз аталышын, мамлекеттүүлүк салтын жоготпой сактап келген, адамзат өркөнүнө орчундуу салым кошкон, дүйнөлүк коомчулук тарабынан таанылган, кайталангыс эл экендиги; Кыргыз жаранынын негизги баалуулуктары бөлүмүндө: Кыргыз жараны-баалуулук, ишеним, таяным, жана идеалдар тутумунун жандуу алып  жүрүүчүсү; үлгүлүү жүрүм-турум ченемдерин күндөлүк жашоо тартибине айландырган адам экендиги тастыкталгандыгына токтолду.

     Соңунда суроо-жооптор менен толукталды.